Услугата за електронска идентификација на граѓаните на далечина OneID, веќе ја доживува својата поширока примена во услужувањето на граѓаните од страна на давателите на електронски услуги, институциите и организациите кај кои постои голем интерес за нејзина имплементација. Изработена од KИБС и Nextsense целосно во согласност со одредбите од Законот за електронски документи, електронска идентификација и доверливи услуги, ОneID oвозможува онлајн-идентификација на корисници преку мобилен телефон со високо ниво на доверливост.

Оваа прва македонска услуга од ваков вид ја претставува долгоочекуваната револуција во начинот на којшто граѓаните им пристапуваат на различните даватели на дигитални услуги при користење на нивни сервиси во секојдневниот живот. OneID e брза, зелена, безбедна и исклучително лесна алатка за користење, која значајно го подобрува целокупното корисничко искуство. Постојаното носење различни документи за идентификација и помнењето лозинки полека стануваат дел од минатото. Со ОneID, мобилниот телефон се претвора во носител на идентитетот преку кој корисникот може да ја добие посакуваната услуга во кое било време и на кое било место. OneID овозможува брза и лесна примена, без разлика дали станува збор за авторизирање на банкарски сметки, осигурителни услуги или онлајн трансакции. ОneID овозможува брзо креирање договори, изјави и барања потпишани со валиден дигитален потпис, без потреба од печатење, скенирање или друга долга и здодевна електронска кореспонденција.

Со користењето на безбедната дигитална идентификација граѓаните полека се збогуваат со долгите редици и хартиената документација, како и со долгите процеси на проверка на идентитетот со физички документ за лична идентификација. Докажувањето на идентитетот никогаш не било полесно бидејќи со помош на OneID се избегнуваат физичките посети на шалтерите. Со помош на оваа напредна дигитална услуга, сите обврски можат да бидат завршени лесно и едноставно, без воопшто корисникот да го напушта својот дом. Освен овие придобивки, OneID гарантира највисоко ниво на заштита на личните податоци. Преку силна двофакторска автентикација при најавата и задолжителна согласност од носителот на идентитетот при неговото предавање, личните податоци на корисниците се целосно и цврсто заштитени во согласност со македонската и европската регулатива за заштита на лични податоци.

Со ОneID, граѓаните веќе можат да уживаат во едно поинакво дигитално искуство кое им го менува секојдневјето и им го заштедува времето. Светот без шалтери и чекање во долги редици веќе е возможен, а интеракцијата на граѓаните со бизнисите и институциите ќе биде целосно трансформирана. Повеќе информации за услугата се достапни на https://www.oneid.mk/

Новости